Verspätig wie die Dütschi-Bahn…

Ah dem schöne Sunnti heimr üs ufe wäg nach Huttwil gmacht. 

Leider ischs zure Spiuverzögerig vo 1.5h cho. Aber mir si motiviert drhinger u packe das💪🏽

Erst Satz heimr super gstartet u genau so guet düre zoge bis zum Schluss. De Satz heimr somit mit 25:13 klar für üs chöne entscheide. 

Dr zwöit weimer genauso gwinne. 
Leider hetsech zblatt dräiht u mir si plötzlech chli hingerdri gsi… si hei stark ahgriffe u sie üs überläge gsi. Bi üsem Time out vo 9:17 isch klar gsi, da muess meh cho. Mit guete Tipps vo üsem Trainerduo hets plötzlech angers usgseh. Da het Regio ougad es Time out müesse näh bi 16:19.
Eh knappi ufhoujagt heimr kha, het leider aber ni ganz glängt u mir hei dr Satz mit 23:25 müesse abgä.

Im dritte muess meh cho! 
relativ stark gstartet u guet chöne druck mache im Ahgriff u Service. 
Dr Satz heimr nähr zu 25:20 für üs chöne entscheide.

Soo bitte dr letzt, dusse isch scho dunku gsi u eh chli lengere heiwäg heimr ouno… 
Mir hei guet gstartet u geng chlei eh vorsprung kha. Eh kurze moment heimr gad chli müeh kha doch bim stand 21:20 isch klar gsi iz müesse mrr!!
U somit heimr dr Match 25:23 gwunne u hei 3 Pünkt vo Huttu mitgno.

Zfriede simr hei düsset u si ready füre nächst match am Sunnti daheim gäge Aarberg:)

Volley Regio vs VBC Münchenbuchsee (13:25, 25:23, 20:25, 23:25)