Zäck, boom ab iz 1/4 Finau

Nachem Cupspiel gägä Thun träffe mer im 1/8 Finau uf d 4.Liga vom VBC Uni Bern.

Am Mänti abe hei mer üs ufe Wäg gmacht uf Bärn id haue u hei ni gwüsst was üs gnau erwartet. Mir si miteme klare Ziel i Match gstartet --> 3:0 gwinne.

1.Satz:

Mir si konzentriertet u konstanter i Match gstartet aus am Sunnti gägä Stude, mir hei dür starchi Service u gezielte ahgriffe dä Satz klar mit 13:25 für üs chönne entscheide.

2. Satz:

"witer so u ni nachelaa", gesagt getan. Uni Bärn het rächt guet chönne drgägä haa u mir hei de Punkt i mehrene Ahlöif müesse mache. Glich heimer wyterhin d Power wyterzoge im Ahgriff u im Service u chöi genau wie im 1. Satz wider mit 13:25 gwinne.

3. Satz:

wie immer hets gheisse:"jz mache mer dr Sack zue", am ahfang vo däm Satz hets o guet usgsee, gägä d Mitti hei sech bi üs chli meh eigefähler ihgschliche u mir hei Uni Bärn es paar Pünkt gschänkt uf z 15:15. zum Glück hei mir üs chli schneuer aus süsch chönne fasse u hei üses Spiel wider chönne dürezieh. O dä Satz geit mit 19:25 a üs.

so hei mir dä Match 0:3 für üs chönne entscheide u träffe im 1/4 Finau ufe VBC Aeschi. U den simer i eire Wuche de gd 2x z Aeschi😉

VBC Uni Bern - VBC Münchenbuchsee (13:25, 13:25, 19:25)