, Damen 3
Revanche mit Up‘s and Downs inkl. Ufholjagt
Am Buchsisunntig 09.02.2025 hei mir üse match gäge VBC Studen gspiut. U wär hätts denkt, es isch widermau ä 5 Sätzer worde.
Üse Start i erst Satz isch nid gad so bomabastisch gsi. Bim Stand vo 8:15 si mir de o endlech mau usem Schlaf erwachet, het jedoch nümme glängt zum Ufhole. Somit geit der 1. Satz mit 17:25 a Stude.
"Chli meh Freud ufem Fäld! U aktiver Schaffe. Ihr wänd dä Punkt!" So Dinahs Wort. Ay ay Coach! U tada, der 2. Satz isch gd ä angeri Wäut gsi. Mit starche Service gwinne mir de Satz mit 25:10.
Übere 3. Satz wei mir gloub garni würk rede. Säge numme katastrophe. Obs äch ar Site ligt weiss niemer. Anschinend isch jede vo üs i Schiris Ouge mau im Netz ghanget u üse Start isch glich gsi wie im erste Satz. Z Resultat am Schluss vo üsere Site us aber schlimmer. Der 3. Satz hei mir mit 12:25 verlore. U wär hätts denkt, d Dänu hout für üs am Schluss zur Überraschig no ä gäubi Charte.
So, we mir dä Match no wei gwinne gitz haut ä 5 Sätzer. Und so wit bringe mirs o, denn o we der 4. Satz es Chopf a Chopf Renne isch gsi hole mir dä für üs mit 25:23.
Und ab i 5. Satz. Ä spannendi Sach gsi. Beidi Teams hei guet Kämpft und d Zueschouer hei o aues gäh mit Aführe. Leider het dä Satz nid weue ände. 6 Satzbäu hei mir gha u 6 Mau verkackt. Nachem 6. Satzbau für üs hets leider gwächslet u Studen het Satzbau gha. Nach ämne länge Satz mit guete Bauwächsu u wahnsinns Stimmig ir ganze Haue, het Studen der Satz u somit der Match mit 22:24 für sich chönne hole.
VBC Münchenbuchsee - VBC Studen
(17:25, 25:10, 12:25, 25:23, 22:24)
Üse Start i erst Satz isch nid gad so bomabastisch gsi. Bim Stand vo 8:15 si mir de o endlech mau usem Schlaf erwachet, het jedoch nümme glängt zum Ufhole. Somit geit der 1. Satz mit 17:25 a Stude.
"Chli meh Freud ufem Fäld! U aktiver Schaffe. Ihr wänd dä Punkt!" So Dinahs Wort. Ay ay Coach! U tada, der 2. Satz isch gd ä angeri Wäut gsi. Mit starche Service gwinne mir de Satz mit 25:10.
Übere 3. Satz wei mir gloub garni würk rede. Säge numme katastrophe. Obs äch ar Site ligt weiss niemer. Anschinend isch jede vo üs i Schiris Ouge mau im Netz ghanget u üse Start isch glich gsi wie im erste Satz. Z Resultat am Schluss vo üsere Site us aber schlimmer. Der 3. Satz hei mir mit 12:25 verlore. U wär hätts denkt, d Dänu hout für üs am Schluss zur Überraschig no ä gäubi Charte.
So, we mir dä Match no wei gwinne gitz haut ä 5 Sätzer. Und so wit bringe mirs o, denn o we der 4. Satz es Chopf a Chopf Renne isch gsi hole mir dä für üs mit 25:23.
Und ab i 5. Satz. Ä spannendi Sach gsi. Beidi Teams hei guet Kämpft und d Zueschouer hei o aues gäh mit Aführe. Leider het dä Satz nid weue ände. 6 Satzbäu hei mir gha u 6 Mau verkackt. Nachem 6. Satzbau für üs hets leider gwächslet u Studen het Satzbau gha. Nach ämne länge Satz mit guete Bauwächsu u wahnsinns Stimmig ir ganze Haue, het Studen der Satz u somit der Match mit 22:24 für sich chönne hole.
VBC Münchenbuchsee - VBC Studen
(17:25, 25:10, 12:25, 25:23, 22:24)