4. Match in Folge

Am Zisti Abe si mir ah üse 4. Match ihfolg, nach Oensingen gfahre.

Guet glunt und ready für ä Match si mir id Haue gesteppt und hei wie vor jedem Match no chli Bäuellet. 

Gstartet si mir ih 1. Satz direkt mitemne Kopf ah Kopf Renne. Leider het bi üs aber nid gläng und hei der Satz verlore.

Bim 2. Satz  si mir rächt im Rückstand gsii... nacheme Wächsu hei mer neui Energie gfunde u hei mit stark plazierte Bäu u Service ds Blatt chönne wände. 

Mit dr gliche Energie hei mer i 3. Satz gstartet. Mir heis chönne dürezieh u si vo ahfang ah vore gsii. Mit guetem Teamzämähaut u hammer Ahgriffe hei mer o dä Satz für üs chönne entscheide.

Dr. 4. Satz isch lang o es Chopf o Chopf renne gsii.. leider mitem schlechtere Resultat für üs. Bi üs hei sech meh Servicefähler ihgschliche u o im Ahgriff isches mau so mau so gange. Mir si no chli a Oensinge dracho aber si si am lengere Hebu gsii.

Bin goldige 5. Satz hei mir nähr dr Sack für üs chöne zue due. Am Ahfang simer rächt guet gstartet. Gägä Schluss het Oensinge wider chli meh Druck chönne mache. Das hei mer ni uf üs wöue la sitze u hei nomau au üsi Energie füre gno für ne Sieg. 
So heimer nach 2h13min chönne dä Sieg mitheinää. Ds Weekend hei mer jez mau chli zyt zum verschnuufe. Witer geits am Samschti bim Heimspiu gägä Solothurn.

STV Oensingen - VBC Münchenbuchsee (25:23, 20:25, 22:25, 25:21, 11:15)