Kei Pünkt zum Start vor Rückrundi

D Rückrundi het für üs am Mäntig Abee in Subingen gstartet gägä VBC Aeschi.

I erst Satz simer mit es paar Eigefähler gstartet und Aeschi het sech es paar Pünkt Vorsprung chönnte ergattere. Dä Vorsprung hei si bis am Schluss chönne paute u so heimer dr erst Satz mit 19:25 verloore.

Ou i zwöit Satz simer nid so guet gstartet. Mir hei am Afang rächt viu Servicefähler gmacht. Wo der Punktestand 14:19 für üsi Gägner isch gsi hei mr gwüsst dasmer müesse Gas gäh, eifach nume e chli mitspile längt nid. So hei mr dr zwöit Satz no chönne cherä und hei nä knapp mit 25:23 gwunne.

Dr Schwung vo dem Satz heimer leider nid i dritt Satz chönne mitnäh. Am Ahfang het gar nüt klappt. D Ahnahme si nümme stabil gsii, Aeschi het aber o sehr Druck am Service gmacht. Irgendeinisch heimers gschafft üs z fange. Aber leider hets glich ni glängt u Aeschi het dä Satz wider 22:25 gwunne.

Im 4. Satz heimer wider aues wöue gää mitem Gedanke dasmer e 5. Satz wei. Am Ahfang hei mer chönne gas gää. Düe Druckvolleri Service u platzierte Ahgriffe hei mir i Vorsprung chönne gä. Leider simer wider i z Down gheit u Aeschi het chönnr ufhole. So hei mir üs leider 23:25 müsse gschlage gä.

So verlö mir h 1. mau es Spil ohni Pünkt z hole...

Am Donnschti wärde mer üses Cupspiel gägä d 2. Liga vo Muri Bärn ha u am Samschti geits de witer (hoffentlech mit Pünkt) gägä TV Grenchen.

VBC Münchenbuchsee : VBC Aeschi a (19:25,25:23,22:25,23:25)