Motiviert id Rückrundi

Guet gnährt vom feine Ässe ade Feschtivitäte über Wiehnachte, guet Erhout vo paar Tag Ferie und motiviert, simer uf Thun a üse erscht Match piugeret. Mir si guet startet,wie eigentlech ide meischte Matche, und hei möge mitghauteam Afang. Mir hei gueti Agriff, Blöck und Service gha und es isch es Chopf a Chopf Renne gsi. Im Gägesatz zum Match irVorrundi heimer ou bide Anahme mau keni eewig länge Serie gha womer Punkt um Punkt hei verloore. So isches de bis uf20 ufe gange… und wie leider ou ide meischte Matche, heimer am Schluss chli afa hadere und Thun isch dervo zogeund het di nötige letschte Pünkt zum Satzsieg gmacht.

Jä nu, git ja no me Sätzt, mache mers no besser. Gesagt und nicht getan. Si schlächt i zwöit Satz gschtartet und hei viuunsuberi Anahme gha. Die wo guet wäri gsi heimer de nidchönne verwärte. D mitti vo Thun het nes müe gmacht und egau wome isch häre gschtange, isch geng der fausch Ort gsi. So hets müesse cho wis isch cho und mer hei dä satz ouverloore.

Iz aber, wenn mer no Matchpünkt wei mache müesse mer nome Gas gä. Und tatsächlech, mir si super i dä dritt Satz gschtartet und dasmau isches Thun gsi wo grad chli Müe hetgha is Spiu z cho. Gueti Service und überleiti Pünkt am Netz und mer si, wenn ou minimau, dervo zoge. Guter Dinge dasmer dä Vorsprung iz mau chöi dürezieh heimer befreiter gschpiut aus ide erschte zwe Sätz. Leider het aber ou Thun wider zrugg is Spiu gfunge und mer hei aus müesse gä um däSatz z gwinne. Lang häts uf beid Site chönne gheiie. Aber obsam Schluss ame Eigefähler z viu gläge isch, oder obs wie immer eifach nid hät söue si, heimer du leider ou dä dritt Satz verloore.

Eini für aui - aui für eini - TEAM

Thun Seefeld - VBCM 3:0 (25:20, 25,17, 25:22)