Mätchbricht H2

Zum Abschluss vor Hinrundi heimer Volero Aarberg b dörfe im Bodenacker begrüesse. 
Dr erst Satz isch umkäpft gsi, aber mir heine mitt 22:25 a Aarberg müesse abgäh. Im 2. heimer widr mau guets Volleyball zeigt u d Seeländer zu 9 abeglah. Di Klatsche isch bim Gägner töif gsässe u mir hei o im 3. Satz ds Niveau höch bhalte und zu 18 gwunne.
Im 4. heimer dr Sack wöue zuemache, aber Volero hetsech wider chli gfange. D Qualität vo üsem Spiel het i dem Satz chli nachglah. Mit viu Eigefähler heimer am Gägner dr Wäg zrügg i Match ermüglecht. Si hei dr Satz 25:22 gwunne. Im 5. heimer mitere regurächte Klatsche müesse starte. Satti 0:9 simer hinde gsi. Mir hei no einisch di letschte Energiereserve azapft u no chli chönne verchürze. Aber mir heis leider nümme gschafft, die Hypothek ufzhole.
Mit 10:15 heimer dr Satz müesse abgäh u hei üs entsprächend mit nume 1 punkt us däm Spiel id Winterferie chönne verabschiede.
Ir Rückrundi machemer ds aber besser. Da bini überzügt.
Faus du dä Bricht bis hie gläse hesch..... 
I wünsche Dir erholsami Ferie, schöni Festtäg und e guete Rutsch is nöie Jahr.