Wiiteri 3 Pinkt - juhui :)

Du bist dem Walliserdeutschen nicht mächtig? ChatGPT hilft dir und überstzt dir alles fix ins Schriftdeutsche. Viel Spass beim Lesen!

dSunna het gschiinu, dTrikots sind frisch gewäschu gsi (hent aber glich no gstüchu) und d’lüna vone D1 vo Buchsi ish mindestens genau so güet gsi wie zspiel selbst. Es ish uf Gerlafingu gangu und z’Ziel ish klar gsi: mit dri Pinkt und dume Lächlu heim zgah.

Satz 1:

Wier si direkt sehr güet ins Spiel gstarto. Esch hin und her gango aber mit dume 25:23 heiwer der erst Satz ver Buchsi chenu holu. Bizji Herzrasu ufgrund vone Üfstigerinne hets aber scho gigeh nid apa.

Satz 2:

Im zweitu Satz het Gerlafingu afa Zänt zeigu, aber wier hei güet chenne entgegu haltu. D’Halla het es paarmal gibebt ufgrund vone Ballwechsela. Doch am Schluss hets wieder 25:22 ver ish gheissu. High-Fives und z’eint oder anner Tänzli hets gigeh und Stimmig ish super gsi. Der Löru het da sogar n gelbi charta, ver „zfest jublu“ vercho (veli het er derbi öi n chline Side-eye gmacht uf d’anner Feldsita hihi).

Satz 3:

Anschiinend hewer nisch aber im Jubel biz üsglaugt, will Gerlafingu het im drittu Satz zruggschlagu. Ish zwar knapp gsi, aber wier hei der Satz mime 24:26 miessu abgäh. Blöd gluffu aber so schnell geber nid üf. ;)

Satz 4:

Jetzt hewer numal alles miessu gäh. Mit vill Motivation (und dume Hüch vo Wüet im Büch) siwer ine viert Satz. Mime letztu bombastischu Ace-Service vo ischer Mili heiwer der Sack, mit 25:22, chennu züe tüe.

N hart erkämpfte Sieg wiener gseht. Bizi Drama ver zEntertainment hets oi gigeh. Mime stolzu Lächlu chenne wer also uf das Spiel, wawer 3:1 heim gholt hei, zrugg lüegu. Ziel erreicht, ade tschüss merci und bis negscht wucha <3

#pluseis

VBC Münchenbuchsee vs. VBC Gerlafingen 3:1 (25:23, 25:22, 26:24, 25:22)