und grad wyder e füfsätzer

a däm sundi simr am 2 gäge welschenrohr i match gstartet. im erschde satz isches es usglichnigs spyu gsy. am schluss hets üs knapp füre satzsieg glängt. 26:24

im zwöite satz heimr richdig ufdräit. gueti defense & herti ahgriffä & paar blocks hei üs dä satzgwinn bracht. 25:20

im dritte satz si mr chly z entspannt gsy & zweni aktiv. paar servicefähler vo üs & umso besseri serves vo de gägnerinne hei üs e guete spyuufbou erschwäärt. leider heimr dä satz mir 21:25 müesse abgäh.

kleiner funfact zwischendurch: di erschde drü sätz si aui je 21min gangä! crazy.

soo let‘s go viert satz. beidi teams hei nice sachä zeigt. im zwöite drittu vom satz isch welschenrohr vorus gsy, mir hei üs aber mit service und schüsch guetere arbeit ufm fäud punkt für punkt zrüggkämpft. am schluss ischs ganz knapp gsy und mir hei dä satz leidergottes nid für üs chönne entscheidä. 26:28

dehaut wyder e füfsätzer, wi geschdr und sowieso wi no öppe die di saison…

mir hei aui gmerkt dassmer nümm so möge, wäg üsem stränge match geschder und aber o schüsch ischs eifach intense gsy. mir hei aber so öppis vo wöue gwinnä, wüu mr scho ir vorrundi gäge welschenrohr es knapps 3:2 hei vrlorä.

mir hei aues gäh für de sieg & so ischs am schluss nomau richdig heiss & lut worde im bodenacher! mitr dritte chance het z ängi dä bau doch no i ds fäud donneret & üs so dr sieg bracht! 15:12 -yeaaah!

VBC Münchenbuchsee - VBG Welschenrohr (26:24, 25:20, 21:25, 26:28, 15:12)