Unglückleche letzte Match

Letschts Spiu, letsti Chance uf ne Sieg. Mit dere Ihstellig si mir am Middwuch Abe uf Thun gfahre. Leider si Verletzigs u Chrankheits bedingt no Spilerinne usgfaue u d Anna u d Jaelle si mit cho.

Mir si relativ guet i 1. Satz gstartet. Weni Eigefähler, Dominanz im Ahgriff u stabili Ahnahme hei dä Satz gprägt. Mir gwinne dä  klar mit 25:13.

Villech kennet ihrs scho, aber da chömer mer zum besagte 2. Satz... mir hei ni schlächt gstartet aber Thun isch immer dicht hinger üs gsii... immer wider heimer chli chönne abstand gwinne aber gägä Schluss isches immer knepper worde. Leider hei mer dä Satz müesse abgää mit 23:25.

"mir wei ke 5 Sätzer amene Middwuch abe"... so hets leider ni usgsee... mir hei wider viu meh Eigefähler gmacht u hei d Muet am Ahgriff mängisch chli verlore... so isches schnäu 17:25 für Thun gstande...

"dehaut doch i 5 Sätz", i 4. Satz simer wider besser gstartet, mir hei wider kuuli Pünkt chönne mache vorauem über d Mitti u hei so wider chönne Dominiere. Mir hei de Thuner nomau zeigt was mir chöi u hei dä 4. Satz chönne entscheide mit 25:16.

Mir chöme zum leider ni so positive letzte Satz... er het ni schlächt gstartet, es isch es Chopf a Chopf renne gsiii... leider het sech psi einzegi Passeuse verletzt u es het ohni müesse klappe.. zersch heimer gd chli müeh kha da mer aues hei müesse umstelle mit de Positione. üsi gheime Topsetter d Mittine hei Passet u mir si wider dricho. Leider het ds nümme glängt u Thun het nomau vougas gää... dr letzt Satz geit mit 9:25 a Thun.

leider heimer üses letzte Spiu ni chönne gwimme aber mir schliesse die Saison moteme starche 2. Rang ab. Momentan simer no gspannt wis witer geit, chöi mer ad Barrage, chöi mer nii? Mir wärdes de gsee. Mir wünsche zerschmau e schöni Erholig u bis glii!

TIP KICK!!!!

VBC Thun - VBC Münchenbuchsee (13:25, 25:23, 25:17, 16:25, 15:9)