VBC Aeschi vs. VBC Münchenbuchsee (2:3)

(25:21, 25:19, 21:25, 23:25, 8:15) Ds Spiu gäge Aeschi isch bis ganz a Schluss spannend gsi.

Wie scho ir Hirundi isch Aeschi sehr starch i Match gstartet und het die erste 2 Sätz klar dominiert.

Doch wiemers scho ir Hirundi gmacht hei, heimer im 3. Satz noamu gasgä. Dadurch heimer näbem Satz o knapp dr Stift vom Giggi chöne rette. Mit neuer Motivation und Vertroue vom 3. Satz heimer o dr 4. Satz knapp chönne gwinne.

Im Tiebreak heimer när endlech mau üses Spiu chönne zeige, hei dr letscht Satz klar gwunne und somit o dr Sieg heibracht.