Revange glückt - mir hole üs dr erst platz!

D Hirundi het e offnegi Rechnig hingerlah. Gägä Langnau ish üsi einzigi Niderlag gsy- es Gfüeu, wo mir nid nomau hei weue erlebe. Auso ish d istellig klar gsy: Was si cheu, cheu mir sho lang! U genau das hei mir ou uf z Feud bracht.

1. Satzt: Starke Uftakt
Wie gnau dr Satz agfange het? Drüber rede mir nid.  Aber eis steit fest: Mir hei nach emne schlau igsetzte Time-Out trotzdem no es guetes Spiu gliferet. Üsi Agriffe si gsässe, d anhnam stabiu u mir hei vo afang ah z gfüeu gha das de satz üs ghört. Langnau ish nie richtig is spiu cho, währen mir punkt für punkt dürvo gzoge sy. Am endi ish es dütleches 25:16 uf dr Tafele gstande - e perfekte start!

2. Satz: Pizza-Pause statt Fan-Support

Hie ishes chly chaotischer worde. Beidi Teams hei ihri höhine u tiefine gha und es ish es rechtes hi u her gsy. E entscheidene Faktor? Üsi Fans hei entschide e Pizza pouse izlege u hei drbi vergässä nis azfüre. (Ke vorwurf... well maybe es bizzli sho😉)

Üsi Time outs? Naja.. si sy nid wük e game changer gsy. Z grosse Problem: Mir hei d chance nid gnutz dr Satz bau z verwärte. Langnau drgege het se gnutzt u het sech dr Satz gschnappt mit 24:26

3. Satz: Pizza gesse, Fans zrügg, mir zrügg!

Mit vouem Büchli füürts sech wou besser ah, denn plötzlech si üsi fans wider da gsy - u mit ihne ou üsi motivation. 

Mir hei absolut ke bock gha ds spiu i ne 5 sätzer z verwandle. Auso heimer üsi energie uspackt u hei wider freier u mit meh spass gspiut. D stimmig ish wider höch gsy und ds het sech ou ufem Feid zeigt: Mit hei dr satz dominiert und heine gwunne. 15:25

4. Satz: Aues oder nüt!

Dr Tabeueplatz ish vo dem satz abghange (entweder 1 oder glichstand) und ds hei mir aui gwüsst. Auso ish üsi mission klar gsy: Nomau aui chräft füre neh u dr dechu druf mache!

Langnau het zwar versuecht mitzhaute, aber mir si nümm ufzhaute gsy. Starki Agriffe, es chly abcracktes Müürli u e klare fokus ufe sieg hei drzue gfüert das mir de Satz souverän mit 13:25 nach Buchsi ghout hei.

Revanche ish demfau sehr glückt! Mir hei nis für di einzigi niderlag vor Hirundi (U saison bis jz) revanchiert und üs damit a d spitze vor Tabeue kämpft. E verdiente sieg mit ere starke teamleistig u dr erkentiss das Pizza zwar fein ish, aber es bizzli Fan support nid schadet!

Merci a z d4 wo nachem Match sy blibe für nis azfpüre (u natürlech ou die wo si cho ufhäufe) u a di andere Fans wo für nis si cho 🫶🏻

Figäääboum!

VT Langnau vs. VBC Münchenbuchsee 1:3 (16:25, 26:24, 15:25, 13:25)