Start vor Rückrundi in Welschenrohr

Dä Mäntiabe het o für üs d Rückrundi gstartet. Mit Welschenrohr het ä Gägner uf üs gwartet wo um jede Bau kämpft u dr Punkt mehrfach gmacht muess werde. Vo dem her hei mir üs ou ufenes längs Spiel ihgstellt. 

 

Mir si konzentiert i erst Satz gstartet u hei schnell e füf Punkte Vorsprung usegholt. Dank starche Service u em ne konzentrierte Spiel hei mir dä Satz recht dütlich mit 25:15 für üs chöne entscheide. Im Time-Out hets gheisse iz nume ni nache lah u ds Spiel so witerzieh. Üs isch ou bewusst gsi das Welschenrohr noni das zeigt wo si chönte.

 

Dr zwöit Satz het sehr usgliche ahgfange u Welschenrohr het ou meh is Spiel inne gfunde. Mir si nüm glich konzentriert gsi u hei einigi Absprachefehler gha sowie meh Eigefehler. Dür das ds Welschenrohr es stabils Spiel dürezoge het u um jede Ball kämpft het, hei mir de dä Satz mit 25:23 müesse abgäh.

 

Es isch klar gsi das iz wieder e Leistigssteigerig muess cho wenn mir als Gwinner vo dem Feld wei. So si mir wieder konzentrierter i 3. Satz gstartet u hei wieder i üses Spiel gfunde. Ähnlich wie im 1. Satz si mir schnell dank guete Service u platzierte Ahgriffe i füehrig gange.. Bi 12:18 hets es Time-Out für Welschenrohr gä, das het üs drus bracht u es hei sech wieder viel Eigefehler ihgschliche. Sodass üsi Trainer bi 19:19 ou hei müesse „ihgriffe“. Mit de richtige Wort hei mir üs nomau gfange u dä Satz de mit 25:22 chöne gwinne.

 

D Wort vo üsne Coaches si klar gsi. Iz ni nomau sone starche Leistigsabfall sondern eifach üses Spiel bis zum Schluss glich dürezieh. Gesagt getan. Mir hei üses Spiel recht guet chöne dürezieh u hei dä 4. Satz de no mit 25:16 für üs chöne entscheide. Somit het d Sofie a ihrem 18. Geburi ni no 5-Sätzer müesse Spiele u d Alina het ihre ni Geburi ufere Heifahrt „gstartet“. 

 

Für üs geits scho dä Donnsti um 20.30 Uhr in Thun ir Schadau Halle im Cup witer - näbe üsem H1. Ahschliessend erwarte mir am Samsti dehei dr TV Grenche um 18.00 Uhr. Mir fröiie üs über jedi ungerstützig! Be there!

 

VBG Welschenrohr - VBC Münchenbuchsee (15:25 / 25:23 / 22:25 / 16:25)