Doch no e erfougriche Saisonabschluss

Mir schliesse d Saison uf Platz 4 ab - punktglich mitem 3. platzierte Münsige.

Nachdem mir üs sit em verletzigsbedingte Usfau vo usem Captain ihr Rückrundi nüm würk hei chönne düresetze, heimer dr letscht Match ünbedingt no wöue gwinne.

Dementsprächend motiviert simer ich erscht Satz gstartet. Mit viune guete Abnahme und Ahgriffe und ere Serviceserie, heimer dä Satz eidütig für üs chönne entscheide.

Mit dir gliche Energie heimer ou ich zwöit Satz wöue starte - betonig uf heimer. D Nummer 18 vo Frutige het üs wortwörtlech zBode serviert (15 Pünkt) und nidmau d Time-outs hei ghufe zrüg is z Spiu z finde.

Mit dr Ihstellig « dä Satz vergässe mer itz» simer nomau mit dr gliche Energie vom ahfang ich dritt Satz gstartet. Dasmau heimer üs mit uet gspiute Bäu chönne ä Vorsprung erarbeite, womer ou bis am Schluss hei dürezoge. Somit isch dr dritt Satz a üs gange.

Itz heimer dr Sack wöue zuemache, jedoch isch dr 4 Satz bis am Schluss ziemlech es Chopf a Chopf renne gsi. Am Schluss heimer nähr glich chöne dominiere und ou dä Satz für üs chönne entscheide.

VBC Münchenbuchsee – VBC Frutigen 3:1 (25:13, 13:25, 25:14, 25: 21)