Drü Pünkt für üs

I match gägä Oenisinge si mr rächt konstant gstartet. Es chliises Töif ir mitti vom Satz het jedoch glängt das üsiGägner dr Räst vom Satz e chline Vorsprung het gha. Somit isch dr erscht Satz ganz knapp mit 27:25 a Oensinge gange.

Im zwöite Satz simer ähnlech gstartet wi im erste. Nume heimer dismau üse Leistig düre ganz satz chönne phaute und hei dä Satz mit 25:22 nach Buchsi ghout

Üs isch klar gsi, dass mr ke füfsätzer wöi spile, dorum hei mr nomou ufgräit und aues gäh. Das het me ou a de Pünkt gsee denn dä Satz heimer mit 25:11 abgschlosse.

Dr viert Satz isch wider ähnlech gloffe wi der zwöit. Konstant aber nid überragend. Trotzdem hets füre Satzgwinn mit 25:22 glängt. Somit nämä mr die voue 3 Pünkt vo Oenisingen mit hei.

VBC Münchenbuchsee: STV Oensingen 3:1 (25:27, 25:22, 25:11, 25:22)