Achterbahnfahrt am Friti Abe

Miteme reduzierte Kader simer hüt am Abe nach langer Parkplatzsuechi in Grenche ihtroffe. Nacheme seubständige intensive Ihwermä simr ready gsi für z Ihschlah. Ahschliessend ishs los gange.

Im erste Satz ish schneu mau ufgfaue ds mir chly Schwirigkeite am Service hei gha wassech denne oh am Resutat het abzeichnet. Nachem Timeout ir mitti vom Satz simr viu konzentrierter i de zwöit Teil gstartet. Dür vermehrti Blocks heimer denne ds Rueder widr ah üs chönne risse u de Satz gwinne mit 25:23.

Motiviert u nachere churtze Verschnufspouse simr i de zwöit Satz gstartet. Mit konstantem Ihsatz vo aune her heimer es Chopf-ah-Chopf-Renne mit Grenche gfüährt wo nachem erste Satz dütläch ihri Leistig hei gsteigeret. Gege Mitti vom Satz heimer e grosse Hänger gha womer ner ou müä ir Ahnahm und Ahgriff hei gha. D Hoffnig de Satz no z gwinne ish immr chliner worde. Doch nacheme Timeout simer mitere hammer Service-serie widr am Bau gsi. Mit üsere Fröid um jede Bau womr gmacht hei und dütlächä Schwirigkeite vo Site vo Grenche heimer oh de Satz gwunne 25:22.

Mit Stouz heimer de dritt Satz ahgfange was sech oh i üsere Leistig widerspieglet het. Mir hei dene e längeri Serie nachenang mit üsne Ahgriffe chönne Punkte u üs es guets Pouster chönne ahfresse. Nere heimer dütläch nachegla vorauem im Berich Ahnam, Blocks u Gratisbäu. Doch nacheme zitli simer de oh widr chli ufgwachet womer bemerkt hei deses üse letscht Satz ish womer wük ize wei hole. Mir hei üs widr zrügg kämpft und dä Satz ou mit 25:22 gwunne.

So heimer a däm Friti abe späät witeri 3 Pünkt für üses Konto gholt!

TV Grenchen - VBC Münchenbuchsee (23:25, 22:25, 22:25)