Wichtige Win

normalerwyys hätte mr ja am Mittwuchaabä Training. Hüt hei mr üs aber z Uettlige troffä, für 3 Pünkt hei z holä. Mit ziemlich reduziertem Kader si mr auso am haubinüüni parat füre Matchbeginn gsy.

Dr erscht Satz isch nach 14 Minutä scho dürä gsy. Mit guetä Serviceserie, starchi Annahme und Defense und schnäue Pünkt hei mir dä Satz rächt klar mit 25:9 für üs chönne entscheidä,

Im zwöite Satz simer am Ahfang wäge de starche Service vo Uettlige rächt schnäu im Rückstand gsy. Und rächt dütlech. Nachemne Timeout heimr üs aber wyder gfangä u hei Bau für Bau dä Rückstand ufghout. Bis 16:17 isches rächt usglychä gsy, när hei mr aber mit hertä Ahgriffä und paar Blocks chönne drvozieh und üs o dr zwöit Satz sichere, 25:18.

Dr dritt Satz het ähnlich usgseh wi dr zwöit. Am Ahfang rächte Rückstand, när aber wyder ufghout, ab 16:16 simer wyder drvozogä und hei üsi Gägnerinne am Schluss gar nüm so rächt chönnä ah üs häre cho. Mit guete Service und viu Variatione hei mr dr letschd Satz wyder 25:18 gwunnä!

Nice, üses 2te 3:0 di Saison!

VC Uettligen vs VBC Münchenbuchsee 0:3 (9:25 / 18:25 / 18:25)