Up`s & Down`s & Down`s & Up`s

Z zwöite mau i dere Wuche heimer uswärts gäge Aeschi gspiut. 

Ähnlech zum Mänti simer super i 1. Satz gstartet. Mir hei üs gli mau e vorsprung chöne erspiele. Gäge Schluss heimer es«Down» gha aber trotzdem isch dr 1. Satz mit 25:18 ah üs gange.

Im 2. Satz heimer vo ahfang ah es «Down» gha. Mir hei ire töife Haue gspiut, was üs teilwiis schwirigkeite ir annahm bereitet het. Und oh im Ahgriff heimer meh Eigefähler gmacht. Mitti Satz siimer de ändlech i fahrt cho und hei es «Up» gha. Aeschi isch fei e chli vorrus gsi. Gäge Schluss isches no knapp worde aber leider heimer dä Satz 26:28 vrlore.

D Ahsag vor Dinah «i wot nid dasder Mitti Satz ines «Down» gheite».  Ds heimer meh oder weniger guet chöne umsetze. Mir si besser i Satz gstartet aber da mir üs langsam ah die Achterbahn fahrt gwöhnt hei, het üs z  «Down» wieder ihghout. Da mir ahfangs Satz aber e guete Vorsprung hei chöne erspiele, heimer dä Satz glich mit 25:18 Gwunne.

Im 4. Satz simer de mit däm «Down» witergfahre. Mängisch het es «Up» ume egge glüüslet aber ds hetsech nie richtig wöue zeige. Mir hei dä Satz mit 21:25 Vrlore.

Nach meh «Down`s» söt doch wieder es «Up» cho? Ja, im 5. Satz hetsech wieder es «Up» zeigt. Aber leider z spät. Mir si ersch gäge Ändi vom Satz i fahrt cho und hei dä Satz mit 7:15ah Aeschi müesse abgäh.

Z Zwöite mau i dere Wuche müesse mr üs gäge Aeschi 2:3 gschlage gäh. Trotz de vielne «Up`s & Down`s» isches e kuule Match gsi.

TIPKICK

VBC Aeschi vs. VBC Münchenbuchsee (18:25, 28:26, 18:25, 25:18, 15:7)