Doch no gwunnä

hüt a däm schöne samschdinami simr am haubizwöi losgfahrä uf dürreroth zum gäge regio volley zspylä. nachere lange kürvelige outofahrt ischs nid wenige vo üs chly unwouh im mägeli gsy…

mir si mitm mindset z gwinnä i t haue gangä, wüu mir tabellarisch dütlech über ihne lige. mitere verspätig (wüu dr vorherig match so lang isch gangä) & vrchürztem ywermä simer i ds spyu gstartet. dr erscht satz isch absolut katastrophau gsy. mir si nid würklech präsent gsy und si überhoupt nid ids spyu cho. so heimr dä erscht satz 14:25 vrlorä.

im zwöite satz ischs am afang nid wük besser wyter gangä. t gägnerinne hei rächt starch serviert & mir hei ir offense nid wük druck chönne machä. gäge ändi satz simer langsam aber wyder zu üsere gwohnte leischtig cho, denn ischs aber z spät gsy. knapp vrlüre mr o dr zwöit satz mit 24:26

chly schockiert vo üsere schwache leistig simer chly angry gsy, aber definitiv ready zum aues zgäh, dassmer glych no chöi zeigä dassmer eigentlech mängisch no nice chöi volleyle… mir hei mitere stabile defense & starche ahgriffä chönne punkte & üsi gägnerinne unger druck setzä. dä dritt satz gwinne mir 25:19. letsgooo

im vierte satz heimer a üsere leischtig vom vorherige satz chönne achnüpfe. mir hei wyder üsi gwohnti leischtig abgrüeft & gäil angegriffen. so heimer när dä satz 25:19 gwunnä.

sooo, mir si 1h da häre gfahrä, de spyut me schliesslech o e füfsätzer, dass sech ds bänzin het glohnt, oder?
ahfangs satz simer grd relativ schnäu i füehrig gangä, und bim sitewächsu hei mr öppe 5 pünkt vorsprung gha. mit paar spektakuläre bäu hei mr so dä füft satz & somit match 15:10 gwunnäää!

nice. di erschte zwöi sätz vo üssi zwar üsserscht fragwürdig und vilech o chly pinlech gsy, drfür heimr üs när nice zrüggkämpft & doch no 2 pünkt ghout💪🏼

Regio Volley vs VBC Münchenbuchsee 2:3
(25:14, 26:24, 18:25, 19:25, 10:15)