> Zurück

Ungschlage bis a Schluss

Damen2 - Raval Fabienne 12.03.2018

VBC Münchenbuchsee - VBC Spiez 3:0

 

...und es isch voubracht, mer schliesse ou die Saison ungschlage ab :D

Üses letzschte reguläre Meischterschaftsspiu isch Gschicht und mer hei ou dert no di agschträbte 3 Pünkt ghout!

Ei Schritt nöcher bide Tassli gfüut mit äxtra Nussgipfle 

 

Für üsi Verhäutnis rächt früe, heimer nes am 12i ir Sekhaue z Buchsii zum scho bau obligatorische Service-Rece vorem Match troffe. Isch irgendwie ungwanet gsi vor aune angere ir Haue z si, heimer doch süsch aui Heimspiu immer ersch nach de 3 gha. Villech ischs de ou a däm Gläge das der Match seeehr langsam und unspektakulär isch gsi!?

 

Ganz ehrlech, gross z säge gits derzue nüt, wot iz hie ou nid unnötig e riiselänge Bricht mit viu Blablabla schribe. Mängisch isch chürzer ou besser ;)

 

Is Spiu cho simer irgendwie nie so richtig, s het uf beidne Site sehr viu Fähler gä und me het öppe nume grad so z Nötigschte gmacht wome het müesse. Sicher, het der eint oder anger guet Agriff derbi gha, d Rece si gar nid übel gsi und ou d Service heisech teuwiis chönne la gseh (jaja nid vo aune i weises säuber ;)). Aber es isch iz sicher nid das wahnsinnig grossartige "Können" gsi womer zeigt hei, me sones "Dahinplätschern".

Nichts desto trotz heimer das Spiu gwunne und nume das zeut würdi doch mau meine! 25:20, 25:13, 25:15

Het äuä ou üse Chef gfunge, wüu es het vo ihm zu üsere guete Saisonleischtig no es warms tröpfli Schämpis und es Chipsli gä.

 

No isch üsi Saison aber nid ganz fertig. Dank üsere guete Teamleischtig chöimer nämmlech iz nid nume am Cupfinau vom 07.04.2018 in Bärn teilnäh, mer wärde ou no zwöi Ufsstigsspiu dörfe bestritte! Sobaud di genaue Date bekannt si wärde si uf der Homepage ufgschaute. Auso immer flissig go nocheluege, würde nes über zauriichi Fäns fröiie!

 

Froue und Dänu, es isch einisch me e Super Saison gsi und i würd säge mer verabschide üs miteme riiiiise 

HA-XIIIIIIIIIIIIIIIIIIIIIIIIIII

und nähme di letschte drü Spiu wi gewohnt mit viu Fröiid und vou motiviert in Angriff, mer schaffe das!!!