> Zurück

Hommage a Franz Hohler

Herren 2 06.03.2018

Nid viu het mä bis iz hüür a derä Steu vom Herre 2 ghört. Aber drfür hani dänkt, we mir da gad so schön binanger sitzä, chöntech äs bärndütsches Gschichtli verzeuä. U zwar ischs äs Gschichtli, wo vor gar nid äso langer Zitt (ersch grad vor ärä Wuchä) imänä solothurnischä Dörfli passiert isch.
Äs paar Oensäliglünggis u paar Münggelibuzis si einisch zwar no nid soo schpät am Aabä, wo aber glich scho dr Schibützu dürs Gochlimoos pfoderet het (eifach wüu dr Schibützu gärn chli dürs Gochlimoos pfoderet; U wüu mer de si Brüetsch ono kennälehrä), im linggä Oberdörflihauäli iitrudlet. D Oensäliglünggis u Münggelibuzis hei aui ä Chuglä fürägnoo, u gli drufabä het das gchlepft u tätscht, das mä bau d Oschterpföteler hätt ghörä zawangglä. Chli speter hei aui iri Chuglänä wider schön imänä Chrättli verstungget u dr Schiribützu (da heimer dr Brüetsch vom Schibützu) isch ufänä Auderisähuet ufägraagget u het agfange i sini Pfiifä inäzpfodere (Schibützu u Schiribützu hei beidi chli ähnlechi Hobbies).
Witer obä het mä plötzlech ou no ä Noulichanifubröcheler mitärä Guggitalerchneblätä gseh! Ja u nid nur einä, nei, zwöi, drü, vier, füf, äs ganzes Schoossinjong vou hei umätrummelet u globofzgeret u schanghangizigerlifisionööggelet, dases eim bau hätt z Fähli verchrömlet.
Sächs Oensäliglünggis u sächs Münggelibuzis hei säch de när schön formiert u agfangä eini vo dä Chuglänä änang zue z gnippä u abezdotzärä. U so isch das hin und här gangä wie nes Färegschäderli amene Miuchgröözi.
D Münggelibuzis hei de iri Sach am Afang chli besser gmacht (22:25) - obwou Buechhouzis Löli gli drufabä isch drvo ghetzpacheret und amänä Äntäli töif id Ouge ga glüsslä. Scho baud hei d Münggelibuzis aber de z fescht umägschwouderet u d Oensäliglünggis si was tschigerlisch was pfigerlisch binene zueche u ämänd sogar verbi gsi (25:18, 20:16). Iz hets aber am Nuscheliröötu bös im Schiissächerli guugget u het drufabä sini Münggelibuzis feiiächli gschigöggelet. Uh, dene ischs i Chnödä glötet wie bschüttigs Chrüzimääl dürä Chätschäbertrog. 
Da aber hei d Münggelibuzis gwüsst, was es Scheieli Gschliichets z gloubige choschtet u si umeghaschpaaperet wi üser gattig aubä mit dr Murggichnüttufurglätä im Cholirauitäli, u so isches de glich no guet cho (24:26). Uuuh, isch das ä botterepfloorigi Schtrupfätä gsi! D Oensäliglünggis uf dr angerä Sitä si düpfelig u gnütelig ufem Fäud gschtange wie gripseti Mischtschwibeli u hei de i dr Foug nümme chönnä zrüggschirggälä (15:25).
Obwou teunä Münggelibuzis z eint oder anger mau fasch z Härzgätterli hätt wöuä zum Hosegschingg uspföderle, isch di Gschicht auso schlussämänd angers aus ä ähnlechi Gschicht (wo vor gar nid eso langer Zitt im Mittlere Schattegibeleggtäli passiert isch) no guet usgangä.
U mä munklet, dass üsi Münggelibuzis scho baud Teil vomänä nächschtä Gschichtli si, u zwar eis wo nächschtä Samschti im vorderä oder mittlerä Bodenächerli söu passiere. Di angärä Beteiligtä sigä äs paar usem Längä Thäli wo de schiins meh aus nur ä einzigä nuesigä Schiggeler ufem Lugipfupf heigä!

Oensäliglünggis - Münggelibuzis 1:3 (22:25, 25:18, 24:26, 15:25)

Sa, 10.03.18, 15.30: Münggelibuzis - Die vom Längä Thäli.

 

Zuesätzlech söttet dir no wüssä, dass nächscht Samschti für di meischtä Teams z letschtä Saisonspiu isch, dass dr letscht gross Buchsi-Samschti isch und dass z H2 öich am Buffet verwöhnt! Bis denn!


PS: Dr fougend Link füert zumnä Video, wo dr Empfang vom H2 im vorhär erwähntä solothurnischä Dörfli und z Ufwermä und Iispilä zeigt (nur akustisch). https://www.youtube.com/watch?v=4WseZsOGVRY

PPS: Z fougendä abstraktä Biud zeigt ä Vorschou vom H2 nächscht Samschti i traditionellem End-of-Season-Ufträtä.