> Zurück

Ein hart umkämpter Match

Junioren U23 2 09.02.2020

Was fürne Hin- und Härkrimi hüt gege Burgdorf. Mir si optimistisch gstarte, da mir dr vorherig 4. Liga Mätch 3:0 gwunne hei. Mir hei auso nomau ds gliche Team gegenüber gha, heisst mir hei scho gwüsst was üs öppe erwartet.

1. Satz:

De isch a Burgdorf gange. Mir hei viu eigefehler gha u es isch no chli e zu lockeri Stimmig ufem Feud gsi.

2. Satz:

Isch a üs gange. Es steit auso 1:1. Dür intelligents Spile u Fokus uf ds Spiu, heimer de Satz für üs chönne gwinnä.

3. Satz:

Isch a üs gange. Es si erneut unötigi Eigefehler uftoucht. Es isch leider o d Abnahm immer recht töif ufe Passeur cho u drzu isch nocho ds es chli Absprach-/ Kommunikationsfähler het gä. Trotzdem hei mir irgendwie dä Satz no gwunne.

4. Satz:

Mitem starke Publikum im Rügge u em wiue nid wöue ds vrlüüre heimer üs nacheme grosse Rückstand vo 9 Pünkt zrüggkämpft. Es isch herte Kampf gsi Punkt um Punkt. Aber di Powersmashe u di länge Päss heis gmacht. Mir hei am Schluss ou no 1 Matchball gha und de aber trotzdem no dä Satz abgä.

5. Satz:

Fasch nütme nöis gege Burgdorf. Es hei aui nüm würk möge, was sech uf ds Spiu het usglöst. Burgdorf hetno dürebisse u am Schluss dr Match gwunne. Es isch ärgerlich gsi aber schlussendlich simir glich stouz si mir im 4. Satz nomau so zrück cho.

Fazit:
Es isch immer sones Punkte hin und her gsi widermau. Es isch über Sätz bis 28 gange u d Punktedifferenz isch nid grösser aus 2-3 Pünkt gsi. Guet gluunt aber kaputt heimer üs uf Dushi u ds Bier danach gfröit.

 

VBC Münchenbuchsee - VBC Burgdorf 2:3 (24:26, 25:23, 25:23, 26:28, 11:15)