> Zurück

Ligameischter: Check, Ufstig id 1.Liga: Check

Damen 2 - Raval Fabienne 03.04.2018

Volley Sense - VBC Münchenbuchsee (0:3)

 

Uuuuuueeeh  

 

Was fürne Tag, was fürnes Spiu, was fürne Fiir :)

Am Samschtig 31.03.2018 simer is wiiiiiiiiiit, wit entferne (oder so ;)) St. Antoni düüset, wones Volley Sense füre Kampf ume Ufstig erwartet het. D Haue isch zwar nid unbedingt gross gsi, aber lääääääääääääääck dä Fänadrang. Hät me Itritt ghöiische hät me sech äuä öppe zwe nöii Sätz Matchliibli chönne gönne ;) D Haue isch us aune Nät platzt und d Zueschouer hei schier müesse Chrützbigele.

Grad fang mau a dere Steu es RIIIIIIIIIIIIIIIIIIIIIIIIIIIIIIIISE MERCI!!!!!!!!!!!!!!!!!!!!! a aui üsi Fäns wo der Wäg uf sech gno hei fürnes vor Ort z ungerschtütze, der sit super!!!!

 

Ganz nachem Motto es isch 0:0 simer i das Spiu gschtartet und hei miteme Service-Ass und zwe guet plazierte Agriffe di erschte Punkt gmacht und de Gägner und ihrne Zueschouer zeigt das mit üs nid z spasse isch :)

Voller Fröid, losglöst und motiviert heimer Punkt und Punkt gmacht, eifach aber solid gschpiut und scho isch dä erscht Satz uf üses Konto gange! 17:25

 

Ou im Satzt zwöi hemier vo Afang a grad üses Spiu dürezoge und trotz paar guete Agriffe vo Volley Sense hets bi ihne äne nid so richtig wöue klappe. Viu Eigefähler wases üs natürlech eifach het gmacht. Gäge Schluss heimer de churzfrischtig z Zeppter chli us der Hang gä und de Gägner, wäge iz ou vermehrt Eigefähler uf üsere Site,  paar Punkt gschänkt. Glichwou heimer der Satz für üs chönne entscheide 16:25

 

Sodeli, no e guete letschte Satz und z chrampfe di Saison het sech glohnt :) ... denkste,... läck was heimer nes abgmüet 25 Punkt z mache. Scho vo Afang a isch irgendwie der Wurm drinn gsi und Sense het das usgnützt und es isch bis zum Siegespunkt es Chopf a Chopf renne gsi. Nid nume das, mer si sogar Zwüschezytlech hinger gläge und irgendwie het nümme so richtig wöue klappe. Anahmeproblem, blödi Fähler am Netzvore, e chli es Ghüschter ufem Fäud... Aber wär üs kennt weiss, dasmer no immer ufghout hei ;) So ou dasmau!!! Ueeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee, der 25Punkt isch gmacht und mer heis gschafft, BYE BYE 2. Liga, WELCOME 1. Liga! 21:25

 

Mit paar Schlück Schämpis unger der Duschi, Pouletflügeli u Pommes ufem Brambärg und paarne Siegesdrinks im Retro Bärn heimer de dä Ufstig gfiiret.

 

Witer geits am Samschtig z Bärn ir Wissesteihaue mitem Cupfinaut am 5i!! 

 

HA-XI