> Zurück

d Siegesserie geit witer

Damen 2 - Raval Fabienne 05.02.2018

VBC Münchenbuchsee - VT Langnau 3:0

 

Nach üsem Knorz im Cup Spiu am Mittwuch wo gottseidank miteme Happy End usgange isch, heimer am Samschtig a üsem Heimspiu gäg Langnou chli me wöue glänze und sicheri 3 Punk mache! 

Zwar si üsi zwöi verletzte Usse ändlech wider parat gsi für mit z mische, jedoch heisech ir Zwüschezyt di zwöi nächschte Spilerinne verletzt :( I dere Saison isch ächt chli der Wurm drinne.. Heimer haut ufem Bänkli chli me Fänpower gha, da si mit Chrücke und Fuessstützine si agreist :)

Nach üsem mittlerwile scho fasch obligatorische Service-Rece-mini-Trainig vorem Match, simer de parat gsi für Langnou! Mitere nöiie-aute Mitti wosech spontan bereit erklärt het gschwing hurti e Lizänz z löse dasmer nid mit nume mit eire Mitti a Start müesse (a dere Steu merci viu mau Yvonne), het das Game de chönne afo.

 

Im erschte Satz heimer souverän ei Punkt nachem angere uf üsere Site vom Zeurähmli chönne ablege. Gueti Service, sicher platzierti Agriffe und e schnäui, flinki Verteidigung,.. was wot me me :) Der Satz heimer sehr klar 25:10 gwunne

 

Im zwöite Satz heimers nes de z eifach wöue mache und chli uf d Fähler vo Langnou gwartet, statt d Pünkt säuber z mache. So isches lang es Chopf a Chopf renne gsi und mer hei grad überhoubt nüm viu gmacht uf üsere Fäudheufti. Chli mitgschpiut statt Druck z mache und z Spiu säuber z gschtaute. Langnou het me Bäu übere brocht und mer hei viu z viu Eigefähler gmacht und unkonzentriert gspiut. Glängt hets zwar scho zum Satzgwinn, isch aber nid verwungerleche het am Schluss z Täfeli 25:20 azeigt.

 

Neneeeei, 20 Punkt uf Gägnerischer Site si eifach z viu heimer gfunge und du im dritte Satz churze Prozäss gmacht. Go serviere si (gloub) nume drü Lüt, het doch scho di erschti e Serie häre gleit und das Spiu fasch säuber entschide! Langnou het Müe gha ir Anahm und d Gägewehr wome im zwöite Satz no gschpührt het isch völlig verfloge gsi. Rück zuck isch de dä Satz und somit ou z Spiu gwunne gsi und mer hei e witere Sieg chönne fiire 25:3

 

Der nächscht Match heimer de am Mändi, 12.02 uswärts Gäge Satus Köniz (ir Buchsee-Haue z Köniz), Apfiff isch am Achti! Wär weis, villech verirrt sech der eint oder anger Fän dert häre und chunnt cho afüüre, mer würde nes fröiie :)

 

Und no gaaaanz wichtig z erwähne: Mischiiiiiiiii du wirschnes fähle, schad ischs di letscht Match gsi vor dire grosse Reis! Gniess Ouschtralie :D:D:D

 

Ha-XI